Publiká riba 29 Aprel 2022
WILLEMSTAD – Ministerio di Desaroyo Sosial, Labor i Bienestar ta informá ku djaluna dia 2 di mei próksimo ta un dia liber ofishal. Dia promé di mei, konforme nos areglo di trabou 2000 (Arbeidsregeling 2000), ta un dia di fiesta ofishal. Esaki ta poné den artíkulo 23 di e lei menshoná. Konforme e mésun lei, na momentu ku promé di mei ta kai riba un djadumingu, ta selebrá esaki riba e sigiuente dia di trabou. Pa e motibu akí, djaluna 2 di mei 2022 ta un dia liber ofishal.
AREGLO DI PAGO
Trahadónan ku mester traha riba 2 di mei, segun nan warda i skema, mester risibí un kompensashon èkstra di 100% di nan sueldo pa e oranan trahá riba 2 di mei.
E trahadó ku ta traha riba dia 2 di mei, pero no segun warda ni skema, mester risibí un kompensashon èkstra di 150% di su sueldo pa e oranan trahá.