Publiká riba 18 Novèmber 2019
Willemstad – Restitushon di impuesto 2018 na e suidadano lamentamblemente a sufri retraso. Den e luna di novèmber aki ta kuminsá prosesá deklarashon di impuesto di entrada 2018. E meta ta pa mas tardá, entrante yanüari 2020 kuminsá paga restitushon. E retraso aki ta un di e konsekuensianan di e kandela ku a surgi den e edifisio di Servisio di Impuesto ougùstùs último.
Servisio di Impuesto ta pidi diskulpa pa e inkumbinensha i ta pidi komprenshon pa e situashon.
