Publiká riba 07 Mart 2023
Willemstad – Minister Charles Cooper a hasi un bishita di trabou den e Parke Industrial na Seru Loraweg den e fabrika di TipTop di Industrias Leañez riba djamars 7 di mart. Minister Cooper a hasi esaki ku e meta pa e pone su mes na áltura kon e fabrika aki, ku tin hopi potenshal pa sigui kresé i ekspandé, tantu lokal komo internashonal, ta enfrentando problemanan infrastruktural ku ta stroba pa nan di siguí krese.
Minister Cooper a haña un rekorido den tur e instalashonnan, i na final a risibí un presentashon di e situashon aktual di e fabrika, i nan plannan pa ekspanshon.