Publiká riba 29 Ougùstùs 2021
WILLEMSTAD – Nos pais ta pasando den un situashon finansiero i ekonómiko sumamente difísil. Pa tantu e siudadano komo gobièrnu no tin sufisiente plaka. Minister di Finansa su tarea ta di hiba un maneho finansiero sano ku ta enserá tambe kobra impuesto atrasá. Tur hende i tur instansia ku ta laborá i/òf sea hasi negoshi na Kòrsou, mester paga impuesto riba entrada i/òf ganashi. Tambe e tin e deber di kumpli ku pago di tur impuesto segun lei i maneho di pais.
Asina ta kontribuí pa pone sèn den kaha di gobièrnu. Gobièrnu ta usa e sèn pa enseñansa, salubridat, drecha kaya i paga personal. Si un siudadano tin difikultat pa paga belasting e por bini na remarke pa drenta un areglo di pago na Ontvanger. Esaki no ta nada nobo. Tambe Minister di Finansa a krea e oportunidat pa haña kwijtschelding (saneá debe di impuesto).
Pa bin na remarke pa hasi uso di saneamentu di bo debe di belasting, por hasi lo siguiente:
Pa haña e formulario pa hasi un petishon asina por bini na remarke pa saneá debe di impuesto, por fabor klek riba: www.minfin.cw/SANERINGSREGELING