Publiká riba 13 Ougùstùs 2021
WILLEMSTAD – Minister di Hustisia sr. Gilmar Pisas a reuní pa sera konosí i alabes tuma nota di tur e asuntunan ku ta pendiente na Departamento di Landsrecherche.
Departamento di Landsrecherche ta e departamento nashonal di investigashon kriminal na Kòrsou, ku ta enkargá prinsipalmente ku realisashon di investigashonnan (penal) riba personanan ku a keda kontratá pa hasi algun tarea den e aparato gubernamental i a violá e aspekto di integridat. Ta trata di violashonnan ku por representá un menasa grandi pa ku nos estado di derecho òf e seguridat / sertesa hurídiko di pais i/òf habitantenan.
Minister di Hustisia ta sinta kada kuartal ku Departamento di Landsrecherche.
