Publiká riba 03 Yüni 2021
WILLEMSTAD – Servisio di Atmishon kier a hasi un yamada na tur persona ku a risibí un sita nobo pa tuma nan título di residensia, pa akudí na nan sita. Durante e periodo di lockdown, Servisio di Atmishon no por a duna servisio na klientenan ku mester a tuma nan título di residensia. Servisio di Atmishon a adaptá su servisio pa asina akapará mas tantu sita posibel i baha e retraso.Tur e personanan ku a pèrdè nan sita a risibí un yamada òf mail ku e fecha nobo di nan sita.
Servisio di Atmishon a konstatá ku hopi persona ku a risibí un sita nobo, no a akudí riba e fecha di nan sita. Servisio di Atmishon ta urgi klientenan ku a risibí un sita nobo pa hasi uso di e oportunidat akí i presentá riba e fecha i orario di nan sita nobo. Pa por tuma e título di residensia mester bini ku tur dokumento ku tin den e karta di desishon bou di e tópiko ‘afhandeling’. Sin e dokumentonan akí no por risibí e título di residensia i mester traha un sita nobo.
Pa klientenan ku a risibí un desishon positivo i mester di un sita, mester manda un mail na sita@immigrationcur.org. Den e mail mester menshoná nòmber, fecha di nasementu i number di fmscrv di e kliente.
