Publiká riba 16 Novèmber 2021
Willemstad – Archivo Nashonal di Kòrsou tin e plaser di inougurá e eksposishon “Muhénan den Polis (Vrouwen bij de Politie)”. Ku e eksposishon aki ta duna honor na loke awendia ta masha normal, pero 50 aña pasá tabata djis un soño di algun hóben femenino.
Na aña 1971, esta 50 aña pasá, algun dama hóben di Kòrsou i Boneiru tabatin aspirashon pa bira agente polisial. Nan meta tabata pa un dia nan tambe sirbi nan pais. Nan mester a bandoná nan famianan i isla pa bai Hulanda pa sigui nan soño. E soño aki a bira realidat i awe nan por mira bèk riba 50 aña di tremendo satisfakshon i rekuerdonan sumamente agradabel.
E eksposishon ariba menshoná na Archivo Nashonal tin algun imágen di e trayekto di e damanan agente polisial aki. Por apresiá e potrètnan durante novèmber te ku mart 2022, di djaluna pa djabièrnè di 8’or pa 12’or di mèrdia, i di 2’or pa 4’or di atardi.
Archivo Nashonal ta forma parti di Ministerio di Maneho di Gobernashon, Planifikashon i Servisio Públiko.
