Publiká riba 30 Sèptèmber 2022
WILLEMSTAD – Awe hues den promé instansia a indiká ku e sirkunstansianan bou di kua e indokumentadonan ta wòrdu detené den blòk 1 ta pasa e prueba di legalidat anto ku e adaptashonnan hasí na e blòk konserní despues di e sentensia di Korte den promé instansia fechá 14 di yüli ta substansial, a lo menos sufisiente substansial.
Durante di konstrukshon di e fasilidat nobo pa detenshon di stranhero a apuntá un area separá den Sentro di Detenshon & Korekshon Kòrsou pa detenshon di stranheronan. No obstante e limitashonnan den e presupuesto, gobièrnu a logra kumpli ku e kondishonnan básiko ku pa medio di tratadonan internashonal ta mará na sentronan di detenshon. Por ehèmpel aktividatnan durante di dia, momentonan den airu liber i akomodashon.
Ministerio di Hustisia ta traha duru pa halsa kalidat di e kapasidat di detenshon di stranheronan indokumentá. Segun plan e sentro di detenshon nobo ta keda kla promé ku fin di aña. Ku esaki tur sobrá defektonan pa loke ta trata e kapasidat di detenshon pa stranheronan indokumentá lo keda resolvé.
