Publiká riba 04 Ougùstùs 2021
Willemstad – Minister di Salubridat, Medio Ambiente i Naturalesa, dr. Dorothy Pietersz- Janga, konhuntamente ku personal di ofisina prinsipal di su ministerio i algun invitado, a hasi un rekorido djasabra último na Hòfi Mango na Banda Abou.
E aktividat aki ta parti di e vishon asina yamá “GMN Green Setter”, kaminda ministerio di GMN lo promové projektonan i aktividatnan duradero pa medio ambiente i naturalesa na komunidat di Kòrsou. E projekto i área di naturalesa di Hòfi Mango ta unu hopi bunita i úniko na Kòrsou i un bon ehèmpel di balanse entre desaroyo ekonómiko i perservashon di naturalesa. Minister Pietersz- Janga i personal di GMN a disfrutá di e naturalesa i a pasa un momentu ameno. Danki na Huize Asporaat i señora Iris Beeren- de Haan pa e amabilidat di a risibí señora minister i su personal.
Pa un video di e aktividat aki, klik aki: https://youtu.be/FBa0OzzPnds
