Publiká riba 21 Febrüari 2023
Willemstad – Tim di Prekario pa Karnaval 2023 ta hasi un apelashon na tur doño di pèrmit di prekario, i tur persona ku a harma un stellage òf stènt riba tereno privá, pa kuminsa desmantelá / ‘ruim op’ tur konstrukshon riba ruta di Karnaval. Por kuminsá hasi esaki entrante djarason 22 di febrüari, i último dia ta djadumingu 26 di febrüari pa mas tardá 3or di atardi.
Lo tene kuenta ku seramentu di sierto kayanan pa por hasi trabounan di desmantelashon. Tambe ta pidi pa tira tur loke no ta bai usa mas afó di un forma legal i/òf bai bèk ku esakinan, manera entre otro palu i palèt. E sitio kaminda ku a para durante Karnaval mester keda kompletamente limpi. Esaki ta konta pa tereno privá i tambe espasio públiko.
Tim di Prekario ta rekòrdá tur doño di pèrmit, ku si pa djadumingu 26 di febrüari 3or di atardi, e konstrukshon no ta kompletamente desmantelá / ‘ruim op’, e doño ta pèrdè su derecho di prekario outomatikamente pa aña 2024. Ta konsehá tur doño di pèrmit pa dokumentá, pues saka pòtrèt di su pida espasio kompletamente limpi/ ‘ruim op’.
Tim di Prekario ta gradisí pa e koperashon adelantá.
