Gerensia di SDKK awe mainta a tuma nota di algun informashon ku ta sirkulando enkuanto di nos instituto. Pa medio di e komunikado di prensa akí nos ta informá nos komunidat ku e situashon ta bou di kontrol.
COVID-19
For di siman pasá nos a haña informashon tokante e relashon familiar di un miembro di personal di SDKK ku un persona kontagiá ku e vírùs COVID-19. Den un akshon relámpago nos a determiná ku e situashon ei lo no nifiká niun klase di riesgo pa SDKK. Den un komunikado interno di 25 di ougùstùs 2020 ya nos a informá nos personal di e kaso akí.
Porsierto, e maneho/medidanan di COVID -19 den SDKK ta tuma lugá den konsulta estrecho ku GMN i Minister di Hustisia.
Kantin
Debí na un problema ku a surgi ku nos server a surgi un retraso e siman akí den distribushon di e kantin pa nos klientenan. Entretantu e problema akí ta parsialmente solushoná i algun blòk ya a risibí nan pedido awe. Nos ta trahando duru pa otro siman e problema ta kompletamente solushoná.
