Publiká riba 31 Òktober 2022
Willemstad – Rònt Korsou tin diferente trabou di mantenshon di kaya tumando lugá. Esakinan konformé e plan di Minister Charles Cooper pa mehorashon di nos infrastruktura. Na e momentunan aki, e trabounan ta sufriendo un poko retraso debí na e echo ku tin falta di asfalt. Asina ku solushoná e situashon aki, i tin asfalt disponibel, lo kontinuá ku trabou pa por finalisá esakinan. E situashon di wer di awa, ku ta kai e dianan aki, tambe por kousa sierto retraso.
E trabounan ta:
– Don Martina Boulevard,
– Saturnusstraat,
– Kaminda Johan M. Statius van Eps,
– Helmin Wiels Boulevard, i
– Weg naar Wèstpunt for di Santa Cruz te ku Lagun.
Asina ku e tin asfalt atrobe i ku e situashon di wer koperá, trabounan lo kontinuá pa finalisá. Danki na komunidat pa e pasenshi durante ehekushon di e trabounan.
