Publiká riba 14 Febrüari 2023
WILLEMSTAD – Djamars 14 di febrüari 2023, trahadónan di Sentro di Detenshon i Korekshon Kòrsou (SDKK) a selebrá un dia di San Valentino diferente. E aña akí e selebrashon di Dia di San Valentino tabatin komo meta pa tur trahadó di prizòn ta konsiente ku nan salú ta na promé lugá, pa asina por sigui duna amor i guia na nos klientenan.
Den kuadro di esaki gerensia di SDKK konhuntamente ku Lab de Med a pone un mainta kaminda tur trahadó por a pasa kontrolá nan suku, preshon i peso.
Gerensia di SDKK ta gradisí Lab de Med i e tim organisadó pa e bunita mainta saludabel pa nos trahadónan di prizòn.
