Notisia

WILLEMSTAD – Gobièrnu di Kòrsou ta felisitá tur nos grandinan en konekshon ku e dia internashonal di Grandinan i ta ekspresá palabranan spesial di felisitashon na e 47 sentenarionan di Kòrsou. Den konekshon ku e dia aki, Gobièrnu di Kòrsou den persona di Promé Minister den su kalidat di Minister di Enseñansa, Sensia, Kultura i Deporte sr. Eugenne Rhuggenaath huntu ku Sektor di Kultura i Deporte i Fundashon Nos Grandinan a hasi un bishitá kòrtiku serka e pareha di mas edat aki na Kòrsou.  E pareha aki tin e honor di tin e edat di 100 i 103.

Promé minister durante su bishita a hasi entregá di pakete na e pareha i a dirigí algun palabra di felisitashon na nan i famia presente. Minister a sigui entregá paketa na otro grandinan na Kòrsou. Gobièrnu di Kòrsou ta pidi un i tur pa stima, malkriá i kuida nos Grandinan awor mas ku nunka den e pandemia aktual i ta konsiente ku ta pa medio di nan guia, ehèmpel i edukashon nos a heredá. Sigui kultivá e dushi kultura ku nos tin.

**Riba e potrèt por mira  kon Promé Minister sr. Eugene Rhuggenaath ta hasi entrega di e paketenan  den presensia di  sra. Lizette Sambo – Velder, direktor di Sektor di Kultura i Deporte i presidente di Fundashon Nos Grandinan, sra. Geselle Coffi.

MAS NOTISIA

Ministerio konserní: Enseñansa, Siensia, Kultura & Deporte