Publiká riba 24 Sèptèmber 2020
WILLEMSTAD – Riba 25 di sèptèmber 2020 Gobièrnu di Kòrsou ta selebrá 5 aña ku a introdusí e Metanan pa Desaroyo Sostenibel (Sustainable Development Goals – SDGs), kual ta e plan global pa yega na un mundu duradero den 2030.
Rònt e paisnan di Reino Hulandes ta hisa e bandera pa duna atenshon na e Agènda 2030 (#Agenda2030). COVID-19 ta pone énfasis riba e nesesidat di mundu pa traha huntu. Na Kòrsou Gobièrnu a kuminsá ku e konteo regresivo pa e promé edishon di Curaçao SDG Action Week ku ta tuma lugá di 28 di sèptèmber pa 2 di òktober 2020.
Gobièrnu di Kòrsou ta ekstendé un invitashon na komunidat kompleto pa partisipá na e siman akí ku ta kargá ku seshonnan interesante pa kompartí konosementu tokante desaroyo di SDG na Kòrsou. Pa registrá, bishitá e wèpsait www.curacao2030.com òf ‘like’ e página di Facebook “SDG Curaçao 2030”.
#TogetherfortheSDGs #SDGCuraçao2030 #CuraçaoSDGActionWeek #huntu
