Publiká riba 22 Aprel 2022
Premio Cola Debrot ta un premio riba tereno kultural ku for di 1968 ta keda otorgá na un persona òf organisashon ku a hasi trabounan meritorio riba tereno di arte. E diferente kategorianan di arte ku ta keda premiá ta: arkitektura, arte visual, baile, folklor, literatura, músika, teater òf siensia. E aña akí a toka turno na e kategoria di “Siensia”. E proposishon pa otorgá Premio Cola Debrot ta keda hasí tur aña di nobo pa un komishon independiente pa skohe ganador di e prestigioso premio. E aña akí entrega di e premio ta tuma lugá riba fecha natalisio di sr. Cola Debrot, 4 di mei 2022.
Gobièrnu di Kòrsou ta felisitá sr. Izzy Gerstenbluth pa kere den Kòrsou, den positivismo i un konstrukshon sano di nos pais. Su kontribushon a i te ainda ta guia nos den e último 2 añanan i Pueblo di Kòrsou ta inmensamente agradesido pa su trabounan den e pandemia di COVID-19.
Pa mas potrèt por bishitá na Facebook di Ministerio: Premio Cola Bebrot 2022