Proseso di aprobashon sentro pre eskolar
Publiká riba 02 Mei 2020
Kiko e sentro pre eskolar mester tene kuenta kuné pa habri?
- Tur sentro pre eskolar ta risibí e protokòl, kaminda tur lokual ku mester tene kuenta kuné, ta kompletamente deskribí.
- Lesa e protokòl i hasi e preparashonnan nesesario pa bo por kumpli ku e lista di chekeo na momentu ku bo risibí bishita di un agente pro higiena den bo sentro pre eskolar.
- Hasi bo petishon pa aprobashon na e Brigada pro higiena (pre)eskolar na registrashonodim@gmail.com òf tuma kontakto ku Brigada pro higiena na number 738-0362 òf via whatsapp 566-7369 i risibí un kontesta dentro di 24 ora.
- E sentro ta risibí un bishita di e Brigada pro higiena (pre)eskolar i si e ta kumpli ku tur e kriterionan preskribí, e s ta risibí un aprobashon. Esaki ta sosodé dentro di 48 ora despues ku e kòntròl a tuma lugá.
- Ora tin e aprobashon, por tuma kontakto ku mayornan pa informá nan di e dia ku e sentro pre eskolar ta kla pa kuminsá.