Publiká riba 02 Novèmber 2020
Willemstad – Señora Maria Albertoe a kumpli 100 aña di edat djaweps último i a selebrá esaki den seno familiar ayera na Landhuis Pannekoek.
Minister Hensley Koeiman a pasa un ratu pa asina duna atenshon i kumpli ku señora Maria Alberto su deseo. Minister Koeiman a hiba un kòmbersashon ku señora Maria Albertoe i dun’é algún palabra den kompania di tur e personanan ku tabata presente.
Sra Maria Albertoe ta bon na tinu i ta hiba kòmbersashon i entretené su bishitantenan tremendamente bon. Shon Jaja a haña e bukèt di flor masha bunita, manera por opservá riba e portrèt.
Pa Minister Koeiman semper ta un honor di pasa serka personanan ku ta kumpli e edatnan respetá aki.
Ta importante pa tambe komo minister duna balor na kada grandi ku a/ta kontribuí na nos Pais i mester respetá, apoyá, honra i stima e personanan aki.
