Notisia

WILLEMSTAD – Promé di òktober próksimo lo no ta posibel mas pa hasi pago en efektivo na Ontvanger. Es desir, entrante e fecha ei lo ta solamente posibel pa hasi pago online òf swaip. Lamentablemente algun kahera ku ta traha via uitzendbureau ta pèrdè trabou. Personanan ku ta traha komo uitzendkracht via uitzendbureau Kadanz i Tempo ta kosta Ministerio di Finansa alrededor di 1.77 mion pa aña. Aki un ilustrashon di pago:

• Inspekshon di impuesto i Ontvanger NAf. 1.218.678,-
  (e suma akí ta sali for di presupuesto di Ministerio di Finansa pa Kadanz i Tempo);

• Inspekshon di impuesto NAf. 302.000,-
  (e suma akí ta sali for di presupuesto di Inspekhon di Impuesto pa Tempo)

• Ontvanger NAf. 247.000,-
  (e suma akí ta sali for di presupuesto di Ontvanger pa Kadanz)

Ora stòp di usa uitzendbureu mas o ménos 1.77 mion ta bini liber. Por usa e montante akí pa tuma ámtenar den servisio di gobièrnu. Vakatura ku ta bai habri ta entre otro pa aanslagregelaar, invorderaar i deurwaarder. Ku alokashon di e suma akí, gobièrnu lo por logra subi ‘compliance’ aún mas i redusí e sirkuito gris i pretu.

Por hasi pago online na Ontvanger ora yena aangifte pa medio di e portal digital. Riba e portal por hasi pago pa medio di un di siguiente bankonan:

• MCB
• ORCO Bank
• Banco di Caribe
• First Caribbean Bank
• RBC Royal Bank
• Vidanova Bank

MAS NOTISIA

Ministerio konserní: Finansa