Publiká riba 30 Desèmber 2020
Willemstad – Resientemente Brantwer Kòrsou i sekshon di medio ambiente di Ministerio di GMN a tèst vürwèrk ku ta bende ku públiko i vürwèrk ku ta keda uzá durante show. Tur aña ta tèst vürwèrk riba seguridat kaminda ta pone hopi atenshon riba paketenan pa mucha. Ta tèst vürwèrk entre otro riba e tempu kual e mecha ta kima promé e vürwèrk aktivá, stabilidat di e vürwèrk riba suela momentu ku e ta aktivo i nivel di zonido.
Ta rekomendá tur persona ku ta hasi uzo di vürwèrk, pa hasi esaki di forma responsabel. Tuma bon nota di e informashon pa uzo di e vürwèrk, tuma sufisiente distansha momentu ku e vürwèrk ta aktivo i no mishi ku vürwèrk ku no a aktivá. Brantwer Kòrsou i GMN ta deseá Kòrsou un felis i safe kambio di aña.
Riba potrèt 1, momentu ku Brantwer ta midi tempu i GMN ta registrá desibèl di zonido.
Riba potrèt 2, momentu ku señor Gustavo Semerel ta sende vürwèrk durante tèst. Señor Semerel tur aña ta asistí e tim di Brantwer i GMN.
Riba potrèt 3, momentu ku ta bai tèst un “cake”.
Riba potrèt 4, drpd; señores Catalina di Brantwer, Jansen di GMN, Sy i Josefina ámbos di Brantwer, Semerel, Janzen di Brantwer, Chan (bendedó di vürwèrk) i Gonçalves di GMN.
