Publiká riba 28 Sèptèmber 2021
WILLEMSTAD – Resientemente Minister di Salú, Medio Ambiente i Naturalesa dr. Dorothy Pietersz-Janga, a huramentá Asistente Botikario sra. Carlein Anne Bonsen.
Minister Pietersz-Janga ta enkargá ku huramentashon ofisial ku mandato di Gobernadó i sra. Erseline Ramazan a atendé e parti protokolario. Di e forma akí e Asistente Botikario ku a huramentá a kumpli ku eksigensianan di nos leinan vigente pa e por ehersé su profeshon. Despues di e akto ofisial, Minister Pietersz-Janga a felisitá sra. Bonsen i a dese’é tur klase di éksito. Señora Bonsen ta temporalmente na Kòrsou i lo bai laborá pa 6 luna na Botika Mahaai.
Riba pòrtrèt: Minister Pietersz-Janga i sra. Carlein Bonsen despues di e akto ofisial.
