Publiká riba 05 Aprel 2023
Willemstad – Minister Charles Cooper huntu ku Servisio pa Obra Públiko (OW) ta anunsiá ku entrante djamars 11 di aprel, trabounan di rekonstrukshon ta bai kuminsá riba Kaminda Andre J.E. Kusters, i e krusada na áltura di Kaya W.F.G Mensing den Zeelandia.
Trabounan lo tin un durashon di 4 siman. Kontratista Curaçaose Wegenbouw Maatschappij (CWM) ta enkargá ku trabounan i e lo traha di 8or mainta pa 4or di atardi.
Debí na mal estado di e kamindanan menshoná, OW lo bai hasi trabounan di rekonstrukshon riba e karetera aki. E trabounan lo konsistí di asfaltamentu di e kaminda, i pasa pipanan di desague, i atendé ku e situashon na e sitio pa evitá ku awaseru ta kai i keda para einan.
E krusada Kaya W.F.G Mensing i Kaminda Andre J.E. Kusters lo wòrdú será kompletamente. Outomobilistanan mester hasi uso di rutanan alternativo por yega na nan destinashon. Lo tin bòrchi i barinan ku lo guia outomobilistanan.
OW ta hasi un apelashon na tur outomobilista pa kore ku koutela i gradisí adelantá.
