Publiká riba 29 Aprel 2020
WILLEMSTAD — Dor di e situashon di Coronavirus, skolnan ta será riba tur isla di Karibe Hulandes na e momentunan aki. Studiantenan ta na kas i tin un demanda grandi pa programanan edukashonal pa por sigui enseñansa via di distansia. Entrante djamars 28 di Aprel tur alumno lo por sigui SchoolTV (NTR) via 3 kanal aki na Kòrsou durante 5 siman. Por sigui esaki parti mainta via BVN riba TDS (08:30 – 10:30) i parti atardi via TeleCuraçao i TVDirect (14:30 -16:30)
BVN, e kanal di televishon públiko pa habla hulandes den eksterior a traha espasio den nan programashon. Ta kompartí e señal ku plantanan lokal TeleCuraçao i TVDirect, TeleAruba (Aruba), Flamingo TV en Telbo (Boneiru), Satel (Saba) en Eutel (Sint Eustatius).
Robert Fortuijn, netmanager NPO Zapp: “Ta un honor pa di e manera aki tambe kontribuí ku enseñansa di muchanan den e parti Karibense di Reino Hulandes, sigur den e tempu vulnerabel aki. Nos ta spera ku di e manera aki ta interesante i edukativo pa muchanan siña na kas i tin kontinuashon i kalidat.
Schooltv
E programashon di Schooltv ta konsistí di programanan di televishon ku material di skol pa edat te ku 4 aña i di 4 -12 aña. E programanan ta basá riba e programa di lès na skol ku ta introdusí manera ku muchanan por siña konta ku fruta riba mesa, siña lesa ku Letterjungle i Snapje? ku ta siña triki pa siña.
Minister di Enseñansa Eugene Rhuggenaath ta kompartí: “Mi ta sumamente agradesido i orguyoso ku awor aki nos a logra dal un stap mas den direkshon di “no laga niun mucha atras”. Esaki danki na e tremendo kolaborashon entre NPO, NTR, BVN, plantanan lokal TeleCuraçao i TVDIrect i e trabou dediká di Ministerio di Enseñansa. Aworaki nos por ofresé pa kasnan di famia rònt Kòrsou un manera pa sigui enseñansa riba distansia via di NPO Zapp i SchoolTV pa mas mucha tin akseso i en espesial muchanan ku no semper por siña online. E krisis di Coronavirus a krea oportunidat pa estrechá kolaborashon ku e meta pa sigui proveé enseñansa na nos muchanan, pero tambe pa empoderá studiante, mayor i maestro.
Ministerio di Enseñansa ta trahando tambe pa por ofresé mas produkshonnan lokal ku ta edukativo i kreativo dirigí riba diferente edat.
