Notisia

WILLEMSTAD – Despues di un periodo di lockdown kaminda instanshanan ku ta kai bou di e ministerio di Tráfiko, Transporte i Planifikashon Urbano mester a adaptá nan servisio, e situashon poko poko pero sigur ta bai na su normalidat. Kada un servisio lo bai bèk parsialmente na nan sistema kustumbrá.

 

Servisio pa Planifikashon Urbano (ROP)

Entrante djamars 11 di mei 2021 te ku djabièrnè 14 di mei 2021, Servisio pa Planifikashon Urbano (ROP) ta habri pa atendé tur kliente ku tabatin un sita den e periodo di “lockdown”.

Entrante djaluna 17 di mei 2021, ROP ta habri pa públiko en general entre 8’or di mainta pa 11:30’or di mainta. Esaki ta konta pa tur petishon en general. Pa mas informashon en general por tuma kontakto ku Servisio pa Planifikashon Urbano (ROP) via di number di telefòn 433-3215, 433-3216 òf 511-3874.

 

Servisio di Tráfiko i Transporte (UOVV)

Pa loke ta e Servisio di Tráfiko i Transporte (UOVV), entrante djaluna 17 di mei Keuringslokaal ta habri bèk riba orarionan normal pa kliente ku ta di djaluna pa djaweps di 7:30’or pa 11:30’or i di 13:30’or pa 15:30’or, riba djabièrnè di 7:30’or pa 11:30’or. No ta atendé kliente ku no tin sita. Pa por traha sita pa kùr por yama Bentana di Informashon na 433-3123 entre 8:00’or i 15:00’or di djaluna pa djaweps i djabièrnè di 8:00’or pa 12:00’or òf por manda mail na sita@gobiernu.cw. 

 

Pa registrashon di vehíkulo i tambe kambio di nòmber, e klientenan por pasa durante e orarionan di ofisina.

 

Pa loke ta Transporte Públiko i tambe eksonerashon pa glas skur mester traha sita via e number di telefòn 839-2147 / 839- 2149 òf por manda mail na tp.uovv@gobiernu.cw.

 

Servisio pa Obra Públiko (OW)

Servisio pa Obra Públiko (OW) e siman akí ainda ta sigui duna servisio via di mail. Esta pa keuring electra via e siguiente e-mail adrès: keuringelektra@gobiernu.cw 

Pa problema ku riolering por e-mail na klachtenriolering@gobiernu.cw 

I pa otro kehonan ta manda mail na klachtenvvrp@gobiernu.cw 

Pa djaluna 17 di mei awor OW ta spera di start bèk ku servisio pa kliente via bali.

 

Otro instanshanan

Outoridat Marítimo di Kòrsou ta alkansabel via di e-mail: manningshipr@maritimecuracao.org. 

 

Outoridat di Aviashon Sivil di Kòrsou di su banda ta informá ku pa traha sita ku ofisina di PEL por manda e-mail na pel@gobiernu.cw. Pa otro informashon òf pregunta por manda un e-mail na civilair@gobiernu.cw. Tambe por bishitá e website www.ccaa.cw.

 

Servisio Meteorológiko Kòrsou ta sigui alkansabel via di e-mail info@meteo.cw. Tambe por bishitá e website www.meteo.cw i por sigui tur informashon via di e página di Facebook di Meteo.

 

Ministerio di Tráfiko, Transporte i Planifikashon Urbano (VVRP) ta gradisí komunidat pa e pasenshi desplegá den e periodo ku ta tras di lomba. Tur e servisionan ta kla pa duna e servisio kustumbrá manteniendo e reglanan di higiena i distansia sosial.