Notisia

Tur direktiva di skol a haña instrukshon pa ku e situashon di Kalor

WILLEMSTAD – Ministerio di Enseñansa, Siensia, Kultura i Deporte (ESKD) ta informá ku a duna instrukshon na tur direktiva di skol pa ku e situashon di kalor na skol i sentronan pre-eskolar. E instrukshon/guia a keda traha huntu ku Ministerio di Salubridat Públiko, Medio Ambiente i Naturalesa i ta vigente konforme e karta fechá 28 sèptèmber 2021, #2021/031350.

Meta di e guia aki ta pa informá e riesgonan dor di e kalor i e medidanan ku por tuma den kaso di emergensia na skolnan. Kada direktiva di skol i skol mester tuma e medidanan konforme e situashon spesífiko di e skol. E kabes òf prinsipal di skolnan mester tuma e medidanan ku ta aplikabel pa nan huntu ku nan direktiva di skol i pone Ministerio di ESKD na altura.

Pa mas informashon di tur e síntomanan i medidanan pa ku e situashon di kalor por tuma nota di esaki den e instrukshon/guia.  Por baha e karta i instrukshon aki: Karta di Minister relashoná ku kalor na skol i Richtlijn Hitte op Scholen en opvangcentra.

Ta hasi un yamada na tur adulto, mayor, maestro i dosente pa laga e muchanan bebe hopi awa i laga nan keda den un lokalidat ku tin bon ventilashon.

—

KOMUNIKASHON

MAS NOTISIA

Ministerio konserní: Enseñansa, Siensia, Kultura & Deporte