Publiká riba 14 Òktober 2020
WILLEMSTAD- Resientemente gerensia di prizòn, a tuma nota di un informashon ku ta sirkulá den medionan di komunikashon tokante di kuminda ku ta ser repartí na personanan indokumentá. A bin dilanti ku diariamente nan ta risibí pan ku awa tres biaha pa dia.
Gerensia ta desmentí e informashon aki. Diariamente tur kliente ta risibí kuminda tres biaha pa dia, esaki ta enserá desayuno, lùnch i kuminda di atardi.
E menú di dia di tur kliente ta ser resetá i revisá dor di dietista.
Ta tene kuenta ki sorto di pan e kliente por kome sea blanku, brùin òf pan sin salu, ta ofresé kuminda sin salu, i tambe ku ménos vèt i asta klientenan ku ta vegetariano. E menú por tin un variashon di galiña, piska, kuminda krioyo etcetera.
E dietista ta tene kuenta ku klientenan ku mester kome kuminda spesial. Komo ku kushina di prizòn ta den renobashon aktualmente, un servisio di catering sertifiká ta fasilitá kuminda pa tur kliente.
Nota: athunto un kopia di un menú di siman traha dor di dietista.
