Notisia

Willemstad- Gobièrnu di Kòrsou resientemente a firma un akuerdo ku sr. Sidney Joubert pa kumpra e lisensia di e 2 dikshonarionan online ku sr. Sidney Joubert a desaroyá durante años. E dikshonarionan aki tabata solamente aksesibel pa esnan ku paga i risibí un kódigo pa hasi uso di e dikshonarionan online. E dikshonarionan ta konsistí di un vershon Papiamentu-Hulandes i un vershon Hulandes-Papiamentu.

Gobièrnu di Kòrsou a kumpra e lisensia di e dos dikshonarionan online i ta bai hasi e trámitenan pa e dikshonarionan aki ta gratis aksesibel pa tur usuario ku tin e nesesidat pa konsultá ku e dikshonarionan menshoná. Gobièrnu su meta ta pa nos komunidat dominá nos propio idioma, nos lenga Papiamentu mas mihó. Alabes e dikshonarionan mester fungi komo vehí

kulo pa amplia nos vokabulario. Tambe e ta fundamental komo lenga vehíkulo den nos sistema di enseñansa pesei e mester keda mirá komo un herensia intangibel esensial di nos kultura.

Den febrüari último gobièrnunan di Kòrsou, Aruba i Bonaire a firma e “Akuerdo di luna yen” na Bonaire kaminda e tres islanan a hasi palabrashon pa entre otro desaroyá, standardisá, konsolidá i amplia nos Papiamentu/o.

**Riba e fotonan momento ku minister di Enseñansa, Siensia, Kultura i Deporte sra. Marilyn Alcalá-Wallé ta firma e akuerdo huntu ku sr. S. Joubert pa traspaso di e dikshonarionan online.

MAS NOTISIA

Ministerio konserní: Enseñansa, Siensia, Kultura & Deporte