Publiká riba 25 Mart 2021
WILLEMSTAD – Dia 17 di mart 2021, Konseho di Minister a disidí di aprobá entrega di e konsepto di lei “Landsverordening vervroegd vrijwillige uitstroom” (VVU) na Parlamento. Minister di Maneho, Planifikashon i Servisio Públiko (BPD), pa medio di Gobernador, a entregá e konsepto di lei riba 24 di mart 2021 na Parlamento.
Gobièrnu mester hasi rekorte den e aparato públiko. Na mésun momentu e aparato mester bai traha di forma mas efisiente i moderno pa loke ta trata digitalisashon i outomatisashon, usando teknologianan moderno. E konsepto di lei su meta ta pa promové redukshon di e índise haltu di envehesimentu di e aparato públiko i krea espasio pa atraé trahadónan mas hóben den e aparato. Asina mester garantisá ku ta alsa e kalidat i resilio pa futuro di e aparato públiko.
E edat di penshun di e personal a subi pa 65 aña dia 1 di yanüari 2016, pa medio di kambio di e lei di “Pensioenverordening overheidsdienaren”. Ku VVU a hasi eksepshon pa sierto kategoria di empleado. Asina a krea posibilidat pa penshoná for di e momentu ku yega 60 aña i naturalmente promé ku yega 65 aña.
E personal ku por hasi e eskoho ta:
Si e konsepto di lei haña aprobashon di Parlamento, e empleadonan públiko di grupo 1 i grupo 2 por baha ku penshun boluntario di forma antisipá, risibiendo un areglo di estímulo ku Gobièrnu por otorgá.
Pa kordiná e proseso di penshoná boluntario di forma antisipá, ta instituí un “Commissie Vervroegd Vrijwillige Uitstroom”. E komishon ta konsehá e dunadó di trabou riba e petishon ku drenta di e persona ku duna di konosé di kier terminá e relashon di trabou, pa asina risibí e estímulo finansiero i e montante di sèn stipula.
Konseho Sosio Ekonómiko (SER) i Hunta di Konseho (Raad van Advies) a duna konseho riba e konsepto. Gobièrnu a adaptá e konsepto di lei i tambe su ‘memorie van toelichting’ di e konsehonan. Ora Parlamento aprobá e konsepto di lei, esaki ta drenta na vigor un dia despues di publikashon di e lei.
Por haña e konsepto di lei i sobrá dokumentonan (Zittingsjaar 2021- 2021- 195) riba: www.parlamento.cw/documenten/ontwerpen