Entrega di e rapòrt “Curaçao Climate Change Policy Assessment” na Promé Minister
Publiká riba 18 Novèmber 2020
Djabièrnè último, 13 di novèmber 2020, e rapòrt “Curaçao Climate Change Policy Assessment” a keda entregá na Promé Minister Eugene Rhuggenaath. Direktor di Servisio Meteorológiko di Kòrsou i alabes Representante Permanente di Kòrsou na ‘World Meteorological Organization’, sr. Albert Martis i Sekretario General di Kòrsou su Komishon Nashonal pa UNESCO, Sra. Marva Browne a hasi entrega na Promé Minister.
E rapòrt ta deskribí e resultadonan di estudio ku a keda hasí pa un ‘Klimaatwerkgroep’ konsistiendo di empleadonan di Ministerio di Tráfiko, Transporte i Planifikashon Urbano, Ministerio di Salubridat, Medio Ambiente i Naturalesa i Ministerio di Desaroyo Ekonómiko. Meta prinsipal di e estudio tabata, pa haña mihó bista di nos kapasidat i konosementu institushonal pa loke ta trata formulashon di un maneho di klima pa Kòrsou.
