Notisia

Willemstad – Apertura di Weganan Interinsular Eskolar 2023 a tuma lugá na Sentro Deportivo Kòrsou (SDK) ku partisipashon di Kòrsou, Aruba i Boneiru. E weganan interinsular eskolar a keda organisá pa Fundashon Desaroyo Deportivo Kòrsou (FFDK) huntu ku Sektor di Kultura i Deporte den koperashon ku Instituto Biba Saludabel y Activo (IbiSA) i ‘Instituto di Deporte Boneriano (Indebon). E kompetensianan ta tuma lugá e fin di siman aki riba dianan 24 i 25 di mart den SDK i ta den e ramonan di Atletismo i Trefbal.

E apertura a konta ku presensia di Minister enkargá ku deporte sr. Sithree van Heydoorn, Parlamentario sr. Steven Croes, Parlamentario sr. Elvin Gerard, dignatarionan di Aruba, Boneiru i tur e atletanan di paisnan. Tambe por a tuma nota di alumnonan di e skolnan di fundeshi:  Sint Antonius College, Helfrich Krijtschool, Emy Bertold, Fatima College i Sint Joris college ku a bin pa animá tur e atletanan ku a bini pa partisipá na e weganan Interinsular Eskolar 2023.

—
Komunikashon

** riba e potrètnan por tuma nota di e apertura na SDK. Pa mas potrèt por bishitá aki: Apertura weganan interinsular eskolar na Kòrsou