Publiká riba 31 Mart 2023
Willemstad – Riba djaweps 30 di mart, tabata di bishita serka Minister Cooper 2 alumno di kolegio Frater Aurelio SBO den kuadro di un proyékto eskolar.
T’asina ku e alumnonan a hiba un kombersashon bastante ámplio i profúndo ku Minister riba diferente aspektonan importante relashoná ku embolbimentu di hóbennan den e area polítiko aki na Kòrsou.
Tabata un bishita hopi informativo pa e alumnonan ku a keda ámpliamente satisfecho i kontentu ku primeramente Minister a aseptá nan petishon, i ku e splikashonnan detayá ku nan a risibí serka Minister Cooper.
Minister Charles Cooper ta semper habrí i dispuesto pa yuda nos hobennan tambe ku tipo di proyéktonan similar i kontribuí asina ku e desaróyo positivo di nan enseñansa.
