Publiká riba 23 Desèmber 2020
WILLEMSTAD, 18 di desèmber 2020 – Kuminsando dia 15 di Yanuari 2021 un rekesito di visa lo ta na vigor pa personanan ku nashonalidat Venezolano. Esaki kiermen ku personanan ku pasaporte Venezolano mester aplika pa un visa pa por biaha pa e paisnan Karibense den Reino Hulandes. Personanan na Venezuela por hasi esaki na offisina di VSF Global na Caracas, personanan ku nationalidat Venezolano pafo di Venezuela por aplika pa e visa na un embahada di Reino Hulandes of un oficina di VSF Global, dependé di nan lokalidat. Chèk https://www.netherlandsworldwide.nl/travel/caribbean-visas/short-stay-caribbean-visa-90-days-or-less pa mas informashon.
Ministerio di Asuntunan di Eksterior a implementá sierto medidanan en konekshon ku e pandemia di COVID-19, ku tin konsekuensia pa apertura i asesibilidat di embahadanan i konsuladonan di Reino Hulandes mundialmente. Un di e medidanan ta ku temporalmente niun hende no por bishita un embahada of konsulado sin sita. Te proksimo aviso personanan ku ke aplika pa un visa Karibense mester akudi na Direktorado di Relashonan di Eksterior (DBB) pa hasi petishon pa un sita pa aplikashon di visa. E Direktorado lo komuniká esaki ku e embahada of oficina di VSF i después e persona konserni por sigue ku e proseso di visa regular. Un petishon pa un visa por wordu mandá na consulaire.dbb@gobiernu.cw.
Gastu pa un visa ta €80. Por fabor tene kuenta ku VFS Global por kobra pa nan servisionan. Tambe tene na kuenta ku dor di COVID-19 por tin restrikshon pa drenta Kòrsou di eksterior, por fabor tuma nota di ultimo notisia di gobiernu di Kòrsou pa ku esaki via https://gobiernu.cw/corona-travel-to-curacao/
