Publiká riba 02 Mei 2023
Despues di un aña eskolar ku su retonan, nos ta kasi na e punto final atrobe!
Komo Minister di Enseñansa, Siensia, Kultura i Deporte, mi ta deseá tur alumno di Kòrsou hopi éksito i forsa ku klousura di e aña eskolar partikular akí. Espesialmente e alumnonan di grupo 8 di Enseñansa di Fundeshi i e klasnan di èksamen final di VO, SBO, HBO i WO ku na luna di mei ta kuminsá ku nan pruebanan i èksamennan final.
Kere den bo mes i bai p’e, saka lo máksimo di dje!
Tambe un palabra di gradisimentu ta bai na un i tur ku di un òf otro manera a aportá na desaroyo di e alumno i studiantenan durante di e aña aki. Mayornan, maestronan, dosentenan, i tur otro persona, danki pa e kompromiso. Bosonan tabata indispensabel den e proseso akí.
Por último mi ta deseá un i tur hopi forsa, sabiduria i un bon salú den e rekta final akí!
—
Minister di Enseñansa, Siensia, Kultura i Deporte Kòrsou,
Kòrsou, 2 mei 2023