Publiká riba 16 Febrüari 2021
WILLEMSTAD- Empleadonan di SDKK a selebrá un dia di San Valentino diferente.
E aña akí e selebrashon di dia di San Valentino tabata tin komo meta pa tur empleado di SDKK ta konsiente ku nan salú ta na promé lugá, pa asina por sigui kuida i guia tur nos klientenan .
Den Kuadro di esaki gerensia di SDKK a organisá un mainta kaminda empleadonan por a pasa kontrolá nan suku, preshon i tambe konsulta ku médiko.
Gerensia di SDKK ta gradisí Lab de Med ku ta esun ku a sòru pa hasi tur e kontrolnan mediko pa e empleadonan di prizòn i Sorafan Trading ku a kontribuí ku refresko pa tur empleadonan.
E mainta a resultá unu sumamente interesante i bunita.
Empleadonan tabata kontentu pa e echo ku a pone atenshon na nan salú, i ku ta algu hopi importante den kuadro di e trabou ku nan ta desplegá diariamente i ku ta eksigié hopi di nan salú.