Publiká riba 27 Novèmber 2020
WILLEMSTAD – Riba djamars 24 di novèmber 2020 a tuma lugá dos enkuentro importante. Esakinan tabata e Konsulta di Reino pa Asuntunan Eksterior (Koninkrijksoverleg Buitenlandse Betrekkingen) i e Konsulta Bilateral entre Minister Stephanus Blok di Relashonnan Eksterior di Reino i Promé Minister Sr. Eugene Rhuggenaath. Ámbos enkuentro a kana den forma produktivo i ameno.
Durante di e kombersashonnan aki, a trata diferente punto importante pa loke ta relashonnan ku otro paisnan. A trata ampliamente e situashon na Venezuela i nos relashon ku e pais akí. A evaluá e posibilidatnan i kondishonnan pa por habri frontera. Tambe a papia di e relashon ku otro paisnan ku ta esensial pa Kòrsou, manera Estado Uní i Sürnam.
A trata e tópiko di seguridat tambe den kuadro di e rapòrt di ‘Adviesraad Internationale Vraagstukken’ (AIV). Diferente tema mas a bini dilanti pa loke ta e koperashon den Reino i mantenshon di relashon ku paisnan.
Durante di e kombersashon bilateral, a sigui amplia riba e diferente tópikonan i a atendé Venezuela mas den detaye. Tambe a papia di e impakto ekonómiko i sosial di COVID-19.
