Publiká riba 22 Ougùstùs 2020
Willemstad – Sektor di Desaroyo Sosial di Ministerio di Desaroyo Sosial, Labor & Bienestar ta hasi algun kambio entrante djaluna 24 ougùstùs 2020. Kasnan di Bario lo ahustá nan servisio pa prevení transmishon di Covid-19.
E medidanan menshoná abou lo ta vigente pa tur Kas di Bario di Ministerio di Desaroyo Sosial, Labor i Bienestar (SOAW) te un próksimo aviso.
1. Kasnan di Bario lo por risibí un máksimo di 10 kliente mainta i lo risibí sobrá kliente mediante sita. Mester yama 724 5300 pa hasi un sita.
2. Lo atendé kliente te ku 15.30 or.
3. Tur persona ku ke hasi un petishon di ònderstant, por sigui hasi esaki online via www.soaw.cw
4. Bishita na kas (huisbezoek) di kliente ta keda posponé te otro aviso.
5. Tur kliente ku bishitá kas di bario mester presentá ku su tapaboka (mondkapje).
6. Ta obligatorio pa tur kliente desinfektá mannan ku hand-sanitizer na kas di bario.
