Publiká riba 05 Desèmber 2021
WILLEMSTAD – Ministerio di Maneho di Gobernashon, Planifikashon i Servisio Públiko ta informá ku e Departamento di Asuntunan Públiko, konosí komo Kranshi, no por brinda e servisio kustumbrá durante e dianan 6 te ku 16 di desèmber di e aña akí.
Pa motibu fuera di nos alkanse no por sigurá un servisio optimal. Sitanan ku tin trahá durante e dianan ariba menshoná ta sigui normalmente. Solamente mester tene na kuenta ku por tin un tiki tardansa. Nos ta pidi diskulpa pa kualke molèster ku esaki por kousa. Asina e situashon normalisá, nos lo por atendé nos klientenan mesun lihé manera kustumbrá.
Pa informashon tokante produkto i servisio di Departamento di Asuntunan Públiko (Kranshi) por yama Bentana di Informashon na 433-3123.
