Publiká riba 24 Novèmber 2022
Willemstad – Durante e reunion di Konseho di Minister di awe desishon a kai ku lo atkerí tres ambulans nobo pa Kòrsou. Minister di GMN drs. Dorothy Pietersz- Janga i Minister di Finansa drs. Javier Silvania tabatin resientemente un reunion ku representantenan di sindikato CBV kaminda a papia tambe riba e situashon di ambulans na Fundashon Kuido di Ambulans (FKA).
Den e kuadro aki Minister drs. Dorothy Pietersz- Janga por konfirma awor, basá riba e desishon di Konseho di Minister di awe, ku lo atkerí 3 vehíkulo di ambulans nobo pa FKA. Di e forma aki Minister a atendé tambe e reto ku kisas den sierto situashon ku por presentá, no tin sufisiente ambulans. Momentu ku e ambulansnan ta na Kòrsou i keda entregá ofisialmente na FKA lo notifiká komunidat esaki.
