Publiká riba 12 Yüli 2021
Minister Dorothy Pietersz-Janga a huramentá Botikario Ruijgrok
Willemstad – Resientemente Minister di Salú, Medio Ambiente i Naturalesa dr. Dorothy Pietersz-Janga, a huramentá Botikario drs. Elisabeth J. Ruijgrok.
Minister Pietersz-Janga ta enkargá ku huramentashon ofisial ku mandato di Gobernadó i señora Erseline Ramazan a atendé e parti protokolario. Di e forma aki e Botikario ku a huramentá a kumpli ku eksigensianan di nos leinan vigente pa e por ehersé su profeshon. Despues di e akto ofisial Minister Pietersz- Janga a felisitá señora Elisabeth Ruijgrok i a dese’é tur klase di éksito durante su labornan na Kòrsou. Señora Elisabeth Ruijgrok ta di Erasmus Medisch Centrum i ta bai sostené botika di hospital CMC durante di 5 siman.
Riba potrèt, Minister Pietersz- Janga i drs. Elisabeth J. Ruijgrok despues di e akto ofisial.
