Publiká riba 28 Yüli 2021
WILLEMSTAD – Departamento di Reibeweis di Ministerio di Maneho di Gobernashon, Planifikashon i Servisio Públiko ta anunsiá ku pa motibu fuera di su alkanse èksamennan teóriko i práktiko di reibeweis no por tuma lugá.
Departamento di Reibeweis no por laga kandidatonan pasa èksamen teóriko ni práktiko djaweps 29 i djabièrnè 30 di yüli 2021. Nos ta lamentá e suseso akí i alabes ta hasi nos máksimo esfuerso pa remediá e situashon ku a presentá.
Èksamennan programá pa e 2 dianan akí ta haña un otro fecha ku e departamento lo indiká debidamente.
Ministerio di Maneho di Gobernashon, Planifikashon i Servisio Públiko, en espesial departamento di Reibeweis, ta pidi su diskulpa pa e inkumbiniensia ku por a surgi.
