Publiká riba 27 Mart 2023
Willemstad – Djárason 29 di mart 2023 pa 10.00or di mainta lo tuma lugá un findishi riba petishon di Ministerio di Tráfiko, Transporte i Planifikashon Urbano. Lo bende vehíkulonan di motor ku no ta den uso mas: 5 motorcycle Road King, 3 Yamaha, i un gran kantidat di outo i pick-up di diferente marka. Ta alabes informá tin 5 trèktor ku a keda saká for di e findishi. Pues esakinan no ta disponibel pa benta mas.
E benta “as is where is” lo tuma lugá na Bellisimaweg 7 (pegá ku LVV). Lo por mira e vehíkulonan na benta na Bellisimaweg 7 pegá ku LVV i na UOOW Parera (ántes DOW) riba: Djaluna 27 di mart 2023 di 09.00 pa 16.00 or, i djamars 28 di mart 2023 di 09.00 pa 12.00 or.
Bestèk:
E bestèk pa por partisipá na e findishi na rason di 25,= florin ta óptenibel for di djárason 22 di mart 2023 na lokèt di UOOW Parera di 08.00 pa 12.00 di mainta, i di 14.00 pa 16.00.
E dùrwarder enkargá ku e findishi ta Albert Amancio Bulo.